Open BillingApp
Users
Permissions
Roles
Cashier
Staff
Settings
Printer
Counter
App lock
Salesman
Salesman PIN

Staff ke users, permissions aur har counter computer ki settings

BillingApp mein har bande ka apna user hota hai, aur user wahi kar sakta hai jo us ke permission group mein tick hai. Is guide mein pehle groups aur users, phir wo settings jo poori dukan ki hain, aur aakhir mein wo jo har counter computer par alag lagani hain.

RoleKya kar sakta hai
ownerSab kuch: Full access. Users aur groups, discount ki had aur keyboard keys sirf owner badalta hai.
adminOwner jaisa Full access, siwaye discount aur keys ke.
userSirf wo jo us ke permission group mein tick ho. Baghair group ke: No access yet.

Kisi ko owner ya admin banana ho to BillingApp support se kahein; baqi sab staff **user** hi rakhein.

Ek login, ek banda Owner ka login counter par khula na chhorein. Har bande ka apna user ho, ya ek counter login ho to Salesman PIN chalu karein (Hissa 3): dono tarah har bill par pata hota hai kis ne banaya.

Hissa 1 · Owner, sirf ek dafa

Permission groups banayein

1

Users & permissions kholein

Settings → Users & permissions. Upar users ki list hai, neeche permission groups. Ye tab sirf owner, admin, ya jis ke group mein Manage users & permission groups ho, usay nazar aata hai.

  1. 1Add user: naya user banayein (Step 4).
  2. 2User ka group yahan se badlein. Owner ke saamne Full access likha hota hai, us ka group nahi hota.
  3. 3New group: naya permission group.
2

Group banayein: preset se shuru karein

New group dabayein. Group name mein kaam ka naam likhein, jaise Counter Cashier. Phir Start from a preset mein se qareeb tareen preset dabayein: wo boxes tick kar deta hai, aur aap jo chahein tick ya untick kar lein.

  1. 1Group name: jaise Counter Cashier.
  2. 2Cashier preset.
  3. 3Create sale invoices: iske baghair bill save nahi hota. Naye Cashier preset mein ye pehle se tick hai; purana group ho to khud tick karein.
  4. 4Create sale returns: sirf tab tick karein jab cashier khud wapsi le sakta ho.
3

Business wale boxes dekh kar Save

Neeche scroll karein. Business ke boxes sab se nazuk hain: staff ke group mein inhein khali rakhein, jab tak waqai zaroorat na ho. Phir Save.

  1. 1Business: Change business settings, Manage users & permission groups aur Reset business data staff ko na dein.
  2. 2Save.
Pharmacy mein kaamPresetKya badlein
Counter cashierCashierBas itna. Wapsi bhi lete hain to Create sale returns.
Salesman / udhaar wale customerSales staffNaye customer banata aur raqam wusool karta hai. Bill badalna ho to Amend sale invoices.
Purchase / store keeperClear all, phir khudView purchases, Create purchases, View products, Add products, Edit products, View customers & suppliers.
AccountantAccountantKhatay, journal aur saari reports.
ManagerManagerSab kuch, siwaye users ke aur data reset ke.

Ek group kai users ko diya ja sakta hai: teen cashier hon to teeno ko *Counter Cashier*.

  • Stock kam ziada karnaAdjust stock sirf bharosay ke bande ko dein: is se stock bina bill ke badal jata hai.
  • Bill badalnaAmend sale invoices wala purana bill badal sakta hai. Cashier ko ye na dein; ghalti ho to manager theek kare.
  • ReportsIncome statement aur Trial balance mein munafa nazar aata hai. Counter staff ko Reports ke boxes na dein.

Cost ke bare mein Counter par dawai chunte waqt us ki average cost bhi likhi aati hai, chahe cashier ko purchases ki ijazat na ho. Ye abhi group se chhupti nahi.

Hissa 2 · Har naye staff par

User banayein aur group dein

4

Add user

Upar Add user dabayein. Jis ki email ho us ke liye Email user; jis ki email na ho us ke liye Phone only: wo WhatsApp par aane wale code se login karta hai.

  1. 1Email user ya Phone only.
  2. 2Generate: pakka password khud ban jata hai (kam az kam 8 huroof). Banday ko khud bata dein, kisi group mein na likhein.
  3. 3Permission group: Hissa 1 wala group chunein. No access yet rakha to wo login karke kuch nahi dekh payega.
  4. 4Add user.

Email user ko pehli dafa login se pehle apni email confirm karni hoti hai.

5

Group badalna, password, aur user hatana

  • Group badalna: users ki list mein us ke saamne wala dropdown; ye foran save ho jata hai. User apna page refresh kare to naya group lag jata hai.
  • Password bhool gaya: user ki line par ⋯ → Reset password, naya password likh kar save.
  • Staff chhor gaya: ⋯ → Remove from business. Us ke banaye bill wese hi rehte hain, bas wo is dukan mein login nahi kar sakta.
  • Kuch dinon ke liye rokna: group No access yet kar dein.
Hissa 3 · Ek computer, kai salesmen

Salesman PIN: har bill par bechne wale ka naam

6

Apna user, ya salesman PIN?

Aksar counter par ek computer hota hai aur us par do teen salesmen baari baari bill banate hain. Is ke do tareeqe hain:

Har bande ka apna userEk login + Salesman PIN
KaiseHar banda apne user se login karta hai (Hissa 1 aur 2).Dukan ka ek login counter par khula rehta hai; har bill save karte waqt salesman apna 4 hindson ka PIN dalta hai.
IjazatHar bande ki alag: cashier sirf bill, manager sab kuch.Sab salesmen ki ek jaisi, jo us login ke group mein hai.
Bill par naamLogin wale user ka.PIN wale salesman ka, parchi par bhi Salesman:.
Kis ke liyeAlag counter, alag computer, ya jab ijazat alag alag deni ho.Ek counter jahan log baar baar login out nahi kar sakte.

Salesman PIN wale shared login ko owner ka login na banayein. Us ke liye alag user banayein, Counter Cashier jaisa group dein, aur counter par wahi login rakhein. Warna counter par khade har bande ke paas poori dukan ki settings hongi.

7

Salesmen add karein aur PIN chalu karein

Owner: Settings → Tenant → Salesmen. Neeche Salesman name aur 4 hindson ka PIN likh kar Add; har salesman ke liye yahi. Do salesmen ka ek PIN nahi ho sakta.

  1. 1Ask salesman PIN on save: salesmen add karne ke baad on karein.
  2. 2Salesman name, 4 hindson ka PIN, phir Add.

Phir upar Ask salesman PIN on save on karein. Ye switch sirf owner badal sakta hai, aur kam az kam ek salesman bana ho tab hi on hota hai. On hote hi dukan ke har computer par bill save karne se pehle PIN manga jata hai: kisi computer par alag se kuch nahi lagana.

  • PIN kisi aur ko pata chal gaya: salesman ki line par Change PIN.
  • Salesman chhor gaya: Turn off. Us ke purane bill us ke naam par hi rehte hain.
8

Bill save karte waqt

Salesman bill bana kar Save dabata hai to Salesman PIN ka dabba khulta hai: apna PIN likh kar Save. Save hote hi screen par Saved by ke saath us ka naam aata hai, aur parchi par Salesman: ke aage bhi.

  • Ghalat PIN baar baar dala to ek minute ke liye ruk jata hai: Too many wrong tries. Wait 1 minute.
  • PIN har bill par manga jata hai jo is dukan mein save ho: sale, wapsi, bill amend karna, aur purchase bill bhi.
  • Kis salesman ne kitna becha: Reports → Sales by Salesman.

Do alag PIN Salesman PIN bill par naam ke liye hai aur poori dukan ki setting hai. App lock (PIN) (Step 12) app kholne ka taala hai aur har computer ka alag. Dono saath chal sakte hain.

Hissa 4 · Owner, poori dukan ke liye

Wo settings jo har counter par ek jaisi hain

Ye Settings → Tenant mein hain aur sirf owner aur admin ko nazar aati hain. Ek dafa lagayein: har computer aur har user par khud lag jati hain.

  1. 1See and change the keys (sirf owner): Counter aur Purchase entry ki keys poori dukan ki ek hi list hain.
  2. 2Maximum discount % (sirf owner): zaroor likhein, jaise 10. Koi line ya poora bill is se ziada discount nahi le sakta.
  3. 3One discount only: ek bill par ya to lines ka discount, ya poore bill ka: dono nahi.
  1. 1New sale opens as: pharmacy counter par Cash behtar hai, kyun ke ziada tar walk-in gahak hote hain. Udhaar wala bill cashier khud Credit kar leta hai.
  2. 2Sale slip shows: udhaar bill ke neeche customer ka pichla aur naya balance chhapna hai ya nahi.
  1. 1Contains: pana likhne se naam mein kahin bhi ho, dawai mil jati hai.
  2. 2Lock entries before: mahina band karke tareekh laga dein. Us se pehle ki tareekh ka koi bill ya entry nahi ban sakti.

Isi tab mein Point of Sale bhi hai: barcode scanner na ho to Barcode scanner field band kar dein.

Hissa 5 · Har counter computer par alag

Counter computer ki apni settings

9

Zaroori baat: ye settings computer par save hoti hain

Settings → App ki har setting usi computer (browser) par save hoti hai, jis par lagayi. Dukan mein teen counter hain to teeno par alag alag lagani hain. Browser ka data saaf kiya ya naya computer laya to dobara lagani hongi.

Behtar ye hai ke har counter computer par us counter wala user login karke khud ye settings lagaye.

10

App install, zabaan aur nazar

Sab se pehle Install BillingApp: Chrome ya Edge mein app install ho jata hai aur poori screen par khulta hai. Phir Language mein menu ki zabaan chunein, aur Appearance mein Text size: counter door ho ya nazar kamzor ho to Large.

11

Printer aur bill

Ye counter ke printer ke mutabiq lagayein:

  1. 1Print language: gahak ki parchi kis zabaan mein chhape. App English mein chalayein aur parchi Urdu mein, ye bhi ho sakta hai.
  2. 2Printing: parchi wala printer ho to Thermal (80mm); aam printer ho to A5 ya A4.
  3. 3Default bill style: Invoice mein dukan ka naam, pata aur phone upar aata hai. Estimate bill mein sirf bill.
  4. 4Print immediately after saving: counter par on rakhein, save karte hi parchi nikalti hai.

Currency bhi isi tab mein, isi computer ke liye hai. Pakistan mein Pakistani Rupee (Rs) hi rehne dein.

12

App lock (PIN)

Counter par log aate jate hain. App lock (PIN) mein 4 se 8 hindson ka PIN likh kar Enable app lock: app har dafa kholne par PIN mangta hai, chahe user login ho.

PIN har user aur har computer ka alag hota hai: ek computer par do cashier baari baari kaam karte hain to dono apna apna PIN lagayein.

13

POS ya Counter

Keyboard wale counter par Counter mode Alt+L kholein; touch screen ya tablet par Standard POS. Computer yaad rakhta hai ke us par kaunsa khula tha, aur internet jaye to wapas usi par aata hai.

Checklist

Naya counter computer lagate waqt

  • Owner: cashier ka user bana hai, aur us ka group Counter Cashier hai.
  • Counter computer par cashier ne apne user se login kiya.
  • Install BillingApp ho gaya.
  • Printing printer ke mutabiq, Default bill style chuna.
  • Print immediately after saving on.
  • Print language aur app ki Language chuni.
  • App lock (PIN) laga diya.
  • Salesman PIN chalu hai to har salesman ko apna PIN yaad hai.
  • Ek chhota test bill bana kar parchi dekh li (owner ya manager baad mein us ki wapsi kar de).

Koi screen ya box nazar na aaye to wo aap ke group mein tick nahi: owner se kahein.