Open BillingApp
Products
Pharmacy
Company
Category
Generic

Naya product (dawai) kaise add karein

Video · 2:02 · Urdu

Naya product do tareeqon se add hota hai. A: DRAP ki medicine list se, jahan naam, company, generic, pack aur qeemat pehle se likhe hain. B: khud form bhar kar, un cheezon ke liye jo list mein nahi. Neeche dono tareeqe hain, aur har box ka matlab.

Mukhtasar jawab

SawalKahan likheinMisal
Dawai ka brand nameName box mein, strength aur pack ke saathRisek 20mg Capsule 14's
CompanyBrand box mein. List se chunein, ya naya naam likheinGetz Pharma (Pvt.) Ltd.
CategoryCategory box. List se chunein ya naya likhein. Poori list Products → Categories meinTablet, Capsule, Syrup
ClassClass box. Aap ka apna group. Pehli dafa likhein, agli dafa list mein milegaAntibiotic, Acidity, BP
GenericGeneric / composition boxOmeprazole 20mg
Tareeqa A · Sab se asaan
Sirf pharmacy

DRAP medicine list se add karein

1

Medicine list kholein

Products page par Medicine list dabayein, phir Add from medicine list.

  1. 1New product: khud form bharne ke liye (tareeqa B).
  2. 2Medicine list
  3. 3Add from medicine list: DRAP ki list se.
2

Dhoondein, tick karein, Add

  1. 1Dawai ka naam, generic ya company likhein (misal risek).
  2. 2Chahein to form (Tablet, Syrup...) ya company se chhantein.
  3. 3Har line mein generic, company, pack aur qeemat pehle se likhi hai. Jo dawai aap rakhte hain us par tick karein. already in your products ka matlab: yeh pehle se aap ki list mein hai.
  4. 4Add: jitni tick ki, sab ek saath aap ke products ban jati hain.

Company, generic, pack aur strip khud bhar jate hain. Baad mein product khol kar kuch bhi badla ja sakta hai.

Tareeqa B · Jo dawai list mein na ho

Khud form bhar kar add karein

3

New product, phir "Use the full form"

Products → New product dabayein. Pehle photo wala chhota form khulta hai. Neeche Use the full form dabayein. Company, category, class aur generic ke box poore form mein hain.

4

Name aur company

  1. 1Name: dawai ka poora naam, strength aur pack ke saath.
  2. 2Brand: yahan company ka naam aata hai.
  3. 3Likhna shuru karein to pehle se maujood companies ki list aati hai. Sahi naam par click karein. Naya company ho to poora naam likh dein, agli dafa list mein milega.

Dhyan dein: abhi is list mein Enter na dabayein. Enter se product usi waqt save ho jata hai, adhoore naam ke saath. List mein naam par mouse se click karein.

Ek company ko hamesha ek hi spelling se chunein. "Getz Pharma (Pvt.) Ltd." aur "Getz Pharma (Pvt) Limited" do alag naam ban jate hain.

5

Category

  1. 1Company chun li gayi.
  2. 2Category mein likhna shuru karein (misal caps).
  3. 3List mein Capsule par click. Nayi category ho to naam likh dein.
6

Class (zaroori nahi)

  1. 1Class: aap ka apna group, jaise Antibiotic, Acidity, BP, Sugar. Reports aur dhoondne mein kaam aata hai.
  2. 2Will use "Acidity" ka matlab: yeh nayi class ban jayegi. Agli dafa list mein milegi.
7

Generic, aur poora Details tab

  1. 1Name
  2. 2Brand: company
  3. 3Category
  4. 4Class
  5. 5Generic / composition, misal Omeprazole 20mg. Counter par "omeprazole" likhne se bhi yeh dawai mil jati hai.
  6. 6Create product. Save karne se pehle Pricing aur Stock tab bhi bhar lein (neeche).
8

Pricing: sale price

  1. 1Retail price: poore pack ki sale price. Strip aur goli ka rate khud banta hai.
  2. 2Cost yahan nahi likhte. Cost purchase bill aur opening stock se khud banta hai.
9

Stock: pack, strip aur khula bechna

  1. 1Units per pack: ek pack mein kitni goliyan/capsule. Risek 14's mein 14.
  2. 2Units per strip: ek strip mein kitni, 7. Strip na ho to khali chhor dein.
  3. 3Sell loose: tick karein agar goli ya strip mein bhi bechte hain.
  4. 4Create product: ab save karein.
Categories ki list

Categories kahan se aati hain

Product mein nayi category likhne se woh khud is list mein aa jati hai. Pehle se banana ho to yahan se:

  1. 1Products → Categories tab.
  2. 2Nayi category ka naam likh kar Add.
  3. 3Har category mein kitne products hain. Teer ke nishan se order badlein; POS ke category buttons isi order mein aate hain.
Yaad rakhein

Chhoti baatein

  • Pehle dhoond leinNaya banane se pehle Products ya Counter mein naam se search kar lein, taake ek dawai do dafa na bane.
  • BarcodeDabbe par barcode ho to Details tab mein Barcode box par click karein aur scanner chalayein.
  • Company ki spellingCompany hamesha list se chunein. Alag spelling se reports mein ek company do dafa aati hai.
  • Ghalti se bana product: DeleteJo product kabhi kisi bill (sale ya purchase), order ya stock count mein nahi aaya, woh bin wale button Delete product se delete ho jata hai. Family par Delete family. Jo bik ya khareeda ja chuka ho woh delete nahi hota, use Hide record se chhupa dein. Har delete Deleted products mein likha rehta hai.
  • Stock kaise aata haiNaye product ka stock purchase bill se aata hai. Dukaan mein pehle se para maal Opening stock se likhein.

Screenshots test business "My Pharmacy One" ke hain. Naam aur qeematein sirf misal hain.